懲教署囚車黃大仙遇車禍 職員及囚犯等十人輕傷
發佈日期: 2025-05-06 23:16
港澳
懲教署一部囚車，在黃大仙龍翔道發生交通意外，有十人輕傷，包括懲教署職員。受傷囚犯分別送往醫院和收押所治理。
囚車和石油氣缸車相撞後，駛到黃大仙正德街停下。懲教署車輛車尾凹陷，擋風玻璃碎裂。有懲教人員要由擔架送院，亦有懲教人員在路邊等候治理。囚車上有囚犯，除了交通警來調查撞車經過，警察亦帶同警犬增援，在場戒備。
這輛懲教署囚車下午近5時，沿龍翔道往荃灣方向行駛，去到黃大仙中心對開，尾隨石油氣缸車懷疑收掣不及，撞向懲教署車輛。
事後五名囚犯一度留在囚車上，消防處救護員上車為他們作初步治理。其中一名囚犯要用擔架協助，登上救護車，在懲教人員押解下送院。其他囚犯就步上另一輛囚車。其餘這四人先被押返荔枝角收押所，再作治療。
【延伸閱讀：我們都是懲教人員｜部門運輸組．點止揸車咁簡單】
大家知唔知道懲教署有一種「車長」嘅職務崗位？負責嘅人員專門駕駛各類押解或行動車輛。
作為一車之長，喺日常工作中主要負責接載押解人員同埋在囚人士往返院所、醫院或者法庭等，而喺執勤期間仲會面對唔少挑戰！特別係夜更同事，好多時佢哋要通宵候命，每當有突發事件，好似需要緊急接載醫生去到院所處理特別醫療事故時，佢哋就要同時間競賽，十萬火急出車。有時喺運載嘅過程中，發生意外事故，車長更要處變不驚，與押解同事配合，合力化解危機。
路面上嘅情況千變萬化，再遇上惡劣天氣，對車長嚟講，點樣確保車上人員同埋在囚人士安全到達目的地，成為佢哋最大使命，而最開心嘅係莫過於完成任務之後，聽到同事由衷嘅一句：「唔該晒車長」。
喺上一集《我們都是懲教人員》裡面，我哋為大家介紹咗工程組人員嘅工作日常同埋心聲，今集我哋就一齊去聽下幾位部門運輸組嘅男女車長，佢哋對呢份工作點點滴滴嘅體會啦！
資料來源： 香港懲教署Facebook
