璀璨之城｜吳卓羲搣甩衝動標籤冷靜化危機 感激張智霖神助攻鬥戲

《璀璨之城》昨晚（15日）上演連場好戲！官家兩兄弟官孝賢（張智霖飾）與官孝君（吳卓羲飾）為爭奪「尚利鋒董事會主席」寶座，正式展開激烈奪權大戰。兩大男神勢均力敵的連番鬥法，絕對令觀眾睇得大呼過癮！

今集劇情講述，孝賢與孝君為拉攏持有關鍵一票的副主席姚景虹（陳煒飾），各自出盡法寶。孝君原本出招協助景虹兒子 Jason（邵展鵬飾）研發 AI 程式參賽，卻意外捲入抄襲風波！另一邊廂，城府極深的孝賢乘機使橫手，透過記者霍佩樺（陳瀅飾）向景虹施壓，威脅公開醜聞。

面對景虹興師問罪，孝君毫無懼色，更霸總上身豪言：「我係下屆做主席嘅最佳人選，能夠處理任何危機，包括呢一次！」為了轉移大眾視線，孝君果斷安排名人假裝自殺沖淡爆料新聞，以超強手段「4招」完美化解危機，盡顯其臨危不亂的腹黑手腕。

過去經常被網民笑指飾演「衝動」角色的吳卓羲（Ron），今次成功搣甩火爆標籤，在劇中展現出處變不驚的強大氣場。其亦正亦邪的角色設定，為觀眾帶來極大新鮮感。

談到與張智霖繼《衝上雲霄II》後相隔13年再度合作，Ron 接受 tvb.com 獨家訪問時笑言自己「由小朋友變大人」，現在終於可以同對方深情對話：「拍《衝上雲霄II》嗰陣其實連聯絡方式都冇，係之後合作綜藝節目先認識多咗。到依家拍《璀璨之城》，大家已經好清楚對方會畀咩反應，默契十足，再合作真係一件好開心嘅事！」

劇中兩兄弟針鋒相對，Ron 透露私下 Chilam 幫了他很多，兩人會共同探討角色性格：「我個角色亦正亦邪，Chilam 幫我諗點樣令『細佬』同佢有個鮮明對比。如果兩個人性格一樣、冇矛盾點就唔好睇！」Ron 更盛讚對方是極具創造力的好前輩，讓他在拍攝過程中獲益良多。