甩P港男計劃北海道雪地自駕 網民賣力勸退 起底更發現多次炒車 事主疑不聽勸：要去冰島，要練吓車

近日有一名香港網民在社交網發文求教，自爆剛剛「甩P」便計劃前往北海道雪地自駕遊，發問道：「啱啱甩P 第一次去北海道雪地自駕遊 有咩要注意？」

帖文一出即引來大批網民湧入留言「勸退」，不少人直指雪地駕駛危機四伏，絕非新手能夠應付，紛紛留言勸喻：「建議你喺香港揸幾年車先諗海外自駕」、「落雪地方既地面狀況同視野都完全唔同， 駕駛執照唔代表駕駛經驗。」、「雪地…十幾年幾十年嘅人都可能冇信心」。

隨後更有網民「起底」樓主的社交平台，發現他在P牌期間已有撞毀倒後鏡及車尾門的「戰績」，隨即嚴詞批評他罔顧道路安全：「你揸幾個月自己車都搞成咁，車未練好，交通規則未熟，你唔好去害人啦。」網民亦語重心長地苦勸：「無經驗就係命一條」、「真心，你唔好揸，累死人」。

面對一眾網民的激烈反應與苦口婆心，樓主卻顯得相當樂觀且不太領情，先後回覆表示：「香港1星期渣1次，渣慢啲應該ok？」、「我淨係喺紋別，應該ok？」。他更進一步解釋，自己打算把北海道當成「練習場」，為將來的冰島之旅作準備：「我都係聽大家講，喺紋別機場附近練吓車，都要學下，要去冰島，要練吓車。」