清水灣道七人車逆線疾駛 險迎頭相撞 司機驚呼：差一秒登出地球！

清水灣道深夜驚現逆線狂飆！網絡瘋傳一段驚心動魄的車Cam片段，事發於9月27日晚上約10時，車Cam主正沿清水灣道往西貢方向正常行駛，詎料去到近打鼓嶺新村對開時，前方竟有一輛白色七人車以極快速度逆線正面駛近，面對突如其來的迎頭危機，車Cam主及時扭軚，驚險避過一劫。

事主事後將影片發布至社交網，感嘆當時險象環生，並發文求助：「部白色七人車逆線行得咁順手，我都差啲懷疑自己行錯路……差一秒就gg登出地球，好彩無炒埋隔離ching，想問下當時有冇其他車友都影到呢部白色七人車嘅逆線過程/車牌？求車cam片 感謝各位！」

片段隨即引爆網民熱議，大批網民對逆線駕駛行為感到極度憤怒，留言：「痴線」、「不過哩個位唔係第一次有車逆線 d人真係痴線」、「痴X線，一定唔可以放過」；亦有許多網民安慰車主慶幸平安無事，紛紛留言：「必有後福」、「樓主福大命大，真係要還神」。