元朗輕鐵站2男MMA 疑因排隊問題爆衝突 網民分析輕鐵排隊漏洞

網絡近日熱傳一段影片，輕鐵坑尾村站月台上上演一幕場面火爆的打鬥事件，兩名男子懷疑因為排隊問題引發爭執，最終演變成肢體衝突，場面相當混亂。

網上影片所見，一名身穿紅衫的男子於月台上將身穿白衫的男子打倒在地，紅衫男隨後甩身準備上車離開。惟白衫男不甘示弱緊隨其後，向紅衫男表示：「知唔知咩叫排隊呀？」紅衫男聞言情緒激動，當場爆粗反駁：「黐X線，我排緊㗎，你冇X嘢？」隨即再揮拳打向白衫男，兩人再度陷入拳腳相交的打鬥之中，影片隨後結束。

影片迅速在各大社交平台引發熱烈討論。不少網民認為「講口唔講手」，無論如何都不應出手打人，紛紛留言批評：「打尖仲打人」、「但係佢話自己排緊喎」、「天氣熱所以躁底」。

同時，亦有網民深入探討輕鐵的排隊機制與相關指引，留言：「究竟輕鐵係點排隊㗎呢？地下又無任何標示， 你話你排呢度，我話我排呢度，邊個先啱？我睇過輕鐵守則，無相關資料， 得一個根據附例，當港鐵職員『要求』排隊時，乘客須在指定列隊後排隊，並以有秩序和有規則的方式向前移動，服從職員指引。無職員係咪唔使排隊？」