青衣酒樓驚現創意料理 冰鎮咕嚕肉變冰浸咕嚕肉 網民笑：加冰有冇加3蚊？

網絡近日熱傳一張震撼眼球的酒樓菜式相片。有網民在青衣一間酒樓點了招牌「冰鎮脆皮咕嚕肉」，豈料端上枱的一刻，眼前的賣相徹底顛覆常規——坊間一向是「冰在底、肉在頂」，但這家酒樓卻反其道而行，將整批咕嚕肉墊在盤底，上面再覆蓋一大堆厚厚的冰塊，令肉塊直接被迅速融化的冰水浸泡，場面極為奇葩！

樓主拍照上載至社交平台，坦言自己當場被嚇呆：「一擺上枱，完全被佢呢個賣相震懾左，架陣係唔係覺得我未食過冰鎮咕嚕肉，同埋想考驗我食左呢盤溶左嘅冰水浸住的咕嚕肉會唔會肚痾。」

更搞笑的是上菜時的現場插曲，樓主透露當時廚房一共端出兩碟該款咕嚕肉，分別送到鄰座及樓主餐桌。當時侍應還好心提醒兩人「要快啲食，啲冰好快溶」。不過鄰桌食客甫見到這碟「冰鎮奇觀」後，二話不說即時要求退回廚房；眼見鄰桌秒退，樓主亦笑稱：「我地唔係唔退丫嘛」，隨即同樣退餐處理。

事件迅速吸引大批網民圍觀留言，不少網民對此「創意料理」感到啼笑皆非，紛紛留言幫這道菜「正名」：「咕嚕肉沙冰」、「寫錯菜名姐，呢味係咕嚕肉鎮冰」、「冰浸咕嚕肉 改返個名就得」，更有網民爆笑留言：「凍 有冰 有無加三蚊？」