
熱播劇集《玫瑰戰爭》自播出以來劇情緊湊、張力十足,加上一眾好戲之人坐鎮,掀起全城追劇熱潮!其中姚子羚飾演的金牌經理人「藍鳳儀」表現相當亮眼,昨晚(17日)一集她更慘遭「好姊妹」黎綺雲(林夏 飾)暗中報復,指使擁有社團背景的父親黎叔(李成昌飾)派手下教訓鳳儀,令她受盡屈辱,認真慘豬!
劇情講述鳳儀雖然在電視節目上公開澄清與雲生(陳豪飾)的關係,但綺雲依然心存妒忌;加上綺雲得知鳳儀有意令自己與黎叔的父女關係曝光後,怒火中燒,決定暗中找人狠狠教訓鳳儀。
鳳儀被擄到傷殘人士廁所內,不但被兇徒狠狠掌摑至撞向牆壁,更遭他們強行扯爛衣服拍下屈辱照片,鳳儀當場表現惶恐、無助,受盡凌辱,場面令人看得相當心痛。
其後,鳳儀被發現並送往醫院治理,無雙(楊茜堯飾)前來探望時,得悉鳳儀早已心知綺雲就是整件事的幕後黑手。鳳儀無奈向無雙坦白:「我係怕咗黎綺雲,因為如果我想留喺生哥身邊,我唔可以得罪佢。」無雙隨即霸氣反問:「我幫你得罪你唔敢得罪嗰個人,你同唔同我合作?」鳳儀則淡然拋下一句:「睇吓點?」
姚子羚向來被公認為好戲之人,劇中無論面對老闆陳豪、「好姊妹」林夏薇還是強敵楊茜堯,都展現出截然不同的眼神與態度,內心層次變化拿捏得淋漓盡致。今晚一幕被黎叔手下凌辱的戲份演得入木三分;隨後在醫院與楊茜堯對戲,僅憑眼神與簡短對白已盡顯二人的深厚演技功力!
原來今次竟是子羚與楊茜堯首度在劇集中正式交手!子羚接受 tvb.com 獨家訪問時直言,兩人雖然相識多年,卻一直未有機會同場拍劇,因此今次終於能夠同台飆戲感覺十分過癮:「我哋好多時講緊嘅嗰句嘢,但其實實則有骨,大家明大家講緊啲乜嘢,但表面又要扮冇嘢,好多內心大家互相猜測,我覺得好正!」
除了楊茜堯外,子羚亦很開心能與陳豪(阿 Mo)相隔多年後再度合作,更笑爆首天開工的有趣對話:「阿 Mo 開工第一日嘅時候佢話:『子羚你進步咗呀!』跟住我話:『陳 Mo,好多年啦,冇進步死得啦!』同埋我不嬲都覺得阿 Mo 好正,所以我更加容易投入呢個角色,大家亦都唔需要講出嚟就知大家點樣做。」
談到今晚在傷殘人士廁所被凌辱的重頭戲,子羚透露為了追求逼真效果,拍攝時親身硬撼落牆,前前後後更拍了 6、7 Take:「有個 shot 要影我撼落牆,拍嘅時候都有真係撼落去,因為想個效果逼真啲。同埋同我拍嗰場嗰幾個唔係武師,佢哋都係比較年輕啲嘅演員,佢哋冇咁知個動作點做會好啲,加上佢哋又要推我,所以都要同佢哋夾,最後都拍咗 6、7 take。」敬業精神令人佩服!







