玫瑰戰爭｜馬國明攬陳自瑤遺物深情喊功顯功架 與楊茜堯相隔12年再同框讚對方演技更上一層樓

《玫瑰戰爭》昨晚（12日）播出的最新一集催淚感人！視帝馬國明飾演的「李德龍」，在收到舊愛關子盈（陳自瑤 飾）的遺物後不禁當場落淚，短短一幕盡顯視帝級深情功架。更令全網驚喜的是，馬國明與昔日經典螢幕情侶楊茜堯（飾夏無雙）相隔長達 12 年再度同框飆戲，昔日深情一對今次竟然變成「冤家路窄」，勾起無數觀眾集體回憶。

劇情講到，由於子盈的關係，德龍與無雙一開始互相討厭、針鋒相對。當無雙將子盈的遺物交還給德龍後，德龍觸景傷情，回想起昔日與子盈的甜蜜往昔。他望著兩人當年的訂情公仔，情緒由眼眶泛紅慢慢轉為淚流滿面，傷心欲絕地自言自語：「你知唔知我見佢哋一次，就掛住你一次，我見佢哋多一次，又掛住你多一次。如果當年我有勇氣，勇敢啲留住你，我哋依家已經可以好似佢哋咁，有仔有女。」

隨後德龍滿懷愧疚地痛哭道：「係我冇用呀子盈！」並將公仔緊緊擁入懷中，場面極致催淚！雖然戲份短短一幕，但馬國明將角色情深專一、悔恨交加的一面演得入木三分，細膩喊功獲網民激讚「不愧係視帝」！

今次亦是馬國明與舊拍檔楊茜堯繼《On Call 36小時II》後，相隔 12 年再度同框演戲。過往二人多數飾演深情情侶，今次卻破天荒演繹互相討厭、處處敵對的冤家，新鮮感十足！

談到與楊茜堯再度合作，馬國明接受 tvb.com 獨家訪問時坦言非常開心：「我哋隔咗咁多年再合作，個默契依然喺度，不過大家睇劇本冇以前咁表面，依家深入咗好多，大家嘅演技又進步咗。」

馬明更對茜堯的演技讚不絕口，重提昔日合作經典場面：「佢做戲愈嚟愈穩，更加有層次！同埋佢不嬲都好勁，我記得以前拍《On Call》有場求婚戲，當我講完一段感動嘅對白，佢一攬埋嚟滴淚就即刻落，佢不嬲都係咁準，依家依然保持頂級水準！能夠繼續同佢拍戲好開心，希望嚟緊再有機會，因為呢啲咁有默契、咁耐拍嘅對手，係會有新嘅火花出嚟。」

至於楊茜堯受訪時亦笑言與馬明默契依舊，更爆笑透露在片場經常忍不住質問對方：「我成日問佢：『點解你喺戲入面唔鍾意我嘅？』因為啲觀眾成日會話點解我哋唔係做一對！我同佢以前演情侶較多，今次反而係冤家路窄同埋敵對嘅場面多，感覺幾得意！」茜堯又指兩人如今均已成家立室、心態更成熟，演戲世界的情感更豐富，各自都能獨當一面支撐起角色。