璀璨之城｜張曦雯吳卓羲5分鐘極致深情演繹感動觀眾 淚之告白惹哭網民

台慶劇《璀璨之城》昨晚（4日）劇情拋出震撼彈！王雪瑩 Kate（張曦雯 飾）與老公官孝君（吳卓羲 飾）在天橋上展開長達近 5 分鐘的情深對話，將極致的愛意與殘忍的犧牲演繹得淋漓盡致，虐心場面直接引爆大批觀眾淚腺，直呼「睇到眼濕濕」！

劇情講到，孝君與洪海允 Alice（高海寧 飾）發生關係後，竟遭官孝賢（張智霖 飾）陷害指控強姦，並藉此要脅他退出 LKS 董事候選資格。Kate 得知真相後，不僅遭孝賢當面冷血羞辱，更因極度憤怒孝君的所作所為，一氣之下駕車撞倒 Alice。

然而背後動機竟充滿催淚洋蔥！Kate 隨後相約孝君在天橋見面，面對老公的不解，她委屈發問：「我嫁咗畀你咁耐，我都係做衰嘢嗰個，連你都覺得我無藥可救。我明你點解嬲我、明你點解要同我離婚，但其實你有無喺我角度出發過？」

說到激動處，Kate 情緒全面潰堤、眼眨淚光坦言：「我一日係你老婆，我有啲嘢唔可以唔做！我認我真係好憎 Alice，但我撞佢係因為佢要脅你，我冇其它方法呀！喺老公同曾經最好嘅朋友之間，我一定揀你。我咩都可以畀晒你，我連我嘅人生都可以攞出嚟賭去成全你！呢個係唯一可以保護到你嘅方法……為咗保住你嘅地位，我可以為你做任何嘢！」

Kate 更坦言自己的愛與身份地位無關：「我剩係想我老公無事，就算你要離開我，我都要用我最後嘅方法保護埋你最後一次！」聽到老婆為自己賭上人生的感人告白，孝君心痛又慚愧，眼紅紅地流下懊悔淚水，哽咽勸道：「我知你所有嘢都係為我好，但係我過唔到我自己……不如你去自首，我陪你一齊承擔你做過嘅所有事，陪你一齊去面對，好唔好？」Kate 最終痛哭道出最深沉的絕望：「我一早就知道個答案，我太清楚你，但我都有一絲奢望，好想你會同我講唔畀我有事……」

這場長達近 5 分鐘的情深對戲令人大為動容，張曦雯將角色為了深愛之人甘願背負罪名、甚至犧牲自我的極致深情表露無遺；而吳卓羲將愧疚、心痛與不捨演得絲絲入扣，兩人互相飆戲讓全場氣氛再度昇華！

大批觀眾看完後紛紛留言大讚：「呢場 Kelly 做得太有感染力，今年一定係視后大熱！」、「太感動了，睇到心酸酸」、「卓羲嗰個心痛落淚做得極好」、「佢哋兩個戲裡戲外都好有火花、好襯！」