璀璨之城｜高海寧崩潰大爆發 折斷筷子欲插張智霖喉嚨 親爆Chilam用一招激發情緒

《璀璨之城》昨晚（2日）劇情掀起全劇最高潮！官孝賢（張智霖飾）為了阻止洪海允 Alice（高海寧 飾）離開自己，竟痛下毒手綁架其母親芳姨（王綺琴飾）作要脅。極端手段瞬間點燃 Alice 壓抑已久的仇恨，引爆全劇最震撼的情緒大爆發。

Alice 得知母親被捉走後眼泛淚光、激動質問：「你捉咗我阿媽去邊呀？！」面對孝賢的冷酷無視，Alice 情緒徹底失控，竟當場折斷手中的木筷，狠命將孝賢推倒在梳化上，企圖將尖銳的斷筷直插他的頸部！

然而，已徹底成魔的孝賢毫無懼色，反而露出令人不寒而慄的恐怖眼神，瘋狂咆哮挑釁：「插落嚟！插落嚟呀！」Alice 咬牙切齒警告：「如果你敢郁我阿媽一條頭髮，我一定殺咗你！」孝賢更以極度冷血的語氣再投震撼彈：「你都唔係第一次㗎啦，之前搞咗溫麗欣，依家咪到你阿媽囉！我哋一齊變成魔鬼，唔好咩？插落嚟！插落嚟！」面对孝賢的步步進逼，Alice 雖恨之入骨，最終卻無法狠下殺手，只能扔下斷筷抱頭崩潰痛哭：「我做唔到……我真係做唔到！」孝賢則冷酷留下最後通牒：「五分鐘，架車喺樓下等你。」

這幕長達一分半鐘的重頭戲，張智霖與高海寧的對戲張力爆燈，將「魔鬼的瘋狂」與「崩潰的絕望」演繹得淋漓盡致。大批觀眾看完後紛紛留言狂讚：「Chilam 真係變成魔鬼，啲語氣眼神好恐怖！」、「高 Ling 崩潰演繹做得太好！」、「呢幕睇到肉緊到不敢呼吸」、「睇好 Chilam 同高 Ling 今年一齊攞視帝視后！」

據悉，這幕是高 Ling 全劇情感最激烈的爆發點。劇組精益求精，為了呈現最佳畫面，現場連續試拍逾十次。高 Ling 拍攝時傾盡全力，即使完成拍攝後，情緒依然激動得久久未能平伏。

高 Ling 接受 tvb.com 獨家訪問時直言，洪海允這角色一直極度壓抑，直到母親這條底線被觸碰才徹底大爆發：「因為我唯一最在地嘅就係我阿媽。當時 Chilam 好好，試咗唔同嘅說話方式去刺激我，令到我嘅情緒由 1 秒瞬間升到 100！嗰個轉換真係好快，所以呢場戲令我非常難忘。」