沙特職業足球聯賽：艾納斯 5-2 艾拿積馬

已複製連結

沙特職業足球聯賽，C朗拿度復出入兩球，助艾納斯主場5-2擊敗艾拿積馬。

黃衫的艾納斯，有C朗拿度傷癒復出，早段試射一腳斜出。波索域與隊友「撞牆」，左腳拉弓射遠柱，都是斜出。榜首對榜尾，艾納斯攻勢多，但連番攻門都未有收穫，四打二攻勢，C朗窄位勁射，被門將擋出。

前場失機，後場失誤，飛鏟人不中，波也不中，之後走甩後上的艾杜拉希，44分鐘先失守，但艾納斯在半場補時連入兩球反先，先是艾咸丹近門撞入，之後文尼在左路連過兩關，起腳省中人入，艾納斯領先2-1完半場。

雖然換邊後3分鐘被卡度素射入追平，但不久後就獲得十二碼，C朗操刀射入。養傷超過一個月，無入選葡萄牙國家隊，一復出就入球。到72分鐘，再接應拿華夫橫傳射入，球證本來指越位在先，經「VAR」覆核後，入球有效。

C朗單場入兩球，亦是他生涯第967球，繼續邁向千球大關，加上尾段文尼「埋齋」，個人同樣兩球進帳，艾納斯贏5-2，踢多場之下，在榜首有6分優勢。