澳職：中岸水手 1-2 布里斯班獅吼

已複製連結

澳職，布里斯班獅吼作客險勝。憑補時入球，以2-1險勝榜尾中岸水手。

棗紅衫的獅吼，基斯朗治被列美尼用腳擋住，亨利賀利不勉強射，撬後回給隊長謝爾奧沙射中人，奪命狂呼，早段已發出怒吼。

到22分鐘，沙拉斯「訓甩」，再出界前撈入來，謝爾奧沙凌空逗前，又見識到獅吼耍家的轉守為攻，對方盡人事頂完跌下，形成二打一，朗治回給路夫斯，再一對一射穿「大細」，獅吼領先1-0。來到2025年最後一天，一切壞事、不如意事，「通坑渠」般沖走，笑口張手迎接新一年。

賽前五場不勝兼三連敗，水手更淤塞，要雙倍力度，怎樣做？

由莫拉基斯，29分鐘示範。連環射穿兩個「大細」，通兩個「坑渠」。先是比列迪，接著是禾簡尼斯，關也關不及，水手追成平手。賽和也可擺脫榜尾位置，尼敦保羅頂出柱邊，半場1-1。水手門將列美尼，後段要換上「鐵布衫」，腳腳「硬食」。連擋森卡連及後備羅頓的「長短火」，但最終1分也沒有。

獅吼六場不敗後，上場落敗，終於見到祖斯甸維迪，後備上陣，為球隊補時2分鐘頂入，結果險勝2-1，升上第三位，水手留在榜尾。