港超聯煞科｜大埔挫北區後上封王　相隔六年再奪聯賽冠軍

已複製連結

港超聯煞科，大埔贏北區3-1，壓過理文，後上封王，相隔六年再奪聯賽冠軍。

綠衫大埔13分鐘開紀錄，馬卡雷拿與伊高沙托尼「撞牆」後傳中，盧卡斯尾柱頂入，領先北區1-0。

大埔賽前落後理文一分，排第二。爭冠形勢被動，都無阻他們扭轉局面的決心。伊高沙托尼接應後場長傳後，壓落底線傳中，又是靠頭槌進帳，今次輪到帕特華維迪，半場補時三分鐘拉開至2-0。

煞科日，四場聯賽同時進行，理文以0-3不敵流浪。大埔的盧卡斯60分鐘攻入他今場第二球，遙遙領先至3-0。大埔今季一大段時間佔據榜首，到尾段被理文壓過，最終兩隊鬥到最後一輪。

雖然在69分鐘，被北區的舒拉普好像「穿花蝴蝶」般，射入「破蛋」一球，大埔都贏3-1。完場一刻，陳肇鈞即刻衝上，與主帥李志堅相擁慶祝。

「堅sir」2019年帶領大埔贏得港超聯冠軍，2023年回巢執教，帶領球隊相隔六年再封王。隊長加比爾捧起獎盃，是隊史第二次稱霸頂級聯賽。

看回黃衫的理文，半場互交白卷下，74分鐘被流浪的比迪高一記撞射打破僵局，加上劉智樂，分別在畫面中的86分鐘和89分鐘建功，理文輸0-3，以兩分之差位列第二，衛冕失敗。