本地足總盃四強：港會 1-4 流浪

已複製連結

本地足總盃四強，流浪4-1擊敗港會，晉級決賽。
 
藍衫的流浪，早段已有林遼太頭槌攻門，被積施利門前解圍。到16分鐘，港會始終失守，雷仙奴放長傳，劉智樂快過出迎的門將，挑高入網，為流浪領先1-0，夠冷靜。

流浪前季曾打入決賽，但最終1-7輸給傑志。15分鐘後，又是長傳撕破防線，梁煒烽傳給李泳豪，窄位射入，這位20歲中場為流浪拉開兩球優勢。完半場前，比迪高交出助攻，安沙在差不多位置，射近柱入，流浪贏到3-0。

港會換邊後，由里奧在遠柱鏟入，旁證當時馬上舉旗，表示過程中有人越位。經過超過5分鐘的「VAR」覆核後，最終判入球有效。港會58分鐘追近。

不過8分鐘後，流浪的比迪高射入「靚波」，慶祝時跑上觀眾席，找誰呢？與女兒一起慶祝。不用控，左腳即射，死角入網，是他加盟後首個入球。

之後港會有機會再追，但後備上陣的陳灝，空門射中柱彈出，流浪維持贏4-1。今季各項賽事，5次面對港會全勝。決賽對手會是大埔或東方。