亞洲盃外圍賽‧圖輯｜港足無緣決賽周　啟德主場館47762人入場再創新高

已複製連結

亞洲盃外圍賽第三圈C組，港足主場以1-2不敵新加坡，肯定無緣決賽周。

啟德主場館一片紅海，球場亦掛起代表「爆滿」的紅旗，47,762人入場，再創新高，巨形橫幅再現。

港隊爭取晉級軌跡，與艾華頓軌跡息息相關，這次右腳射門被撲出。軌跡不只得射，4分鐘後左路「K角位」，助攻安永佳頂入，門將馬布特拍到都入，港隊15分鐘領先。

兩隊同樣2勝2和得8分，排頭兩位，只有首名出線，港隊贏出今場，就鎖定提前一輪晉級決賽周。茹子楠落底橫傳無人接應，之後頭槌二傳，祖連奴近門頂高。

34歲翼鋒艾華頓再次傳中，安永佳飛身，來遲半步。艾華頓衝鋒，亦慢過門將出迎，半場精華他佔了一大半。

新加坡上半場無正式埋門，只有安努亞「食詐糊」，港隊全面佔優，完半場前祖連奴施射，被對方護空門，維持1-0入更衣室。

換邊後祖連奴接應長傳，底線前撈到，但傳中無人接應。落後的新加坡，下半場表現脫胎換骨，港隊先有鍾樂安頂著，之後伊辛芬迪遠射斜出。

他弟弟伊翰芬迪入替，就交出助攻，一控一剔，過頭波找到安努亞，挑過王振鵬入遠柱，新加坡64分鐘追平。4分鐘後，伊翰芬迪控橫再射，反先2-1，這位效力武里南聯的前鋒，後備上陣交出一助攻一入球。

港隊靠罰球攻勢反撲，製造門前混戰，另一次就差些令對方「擺烏龍」，只是中楣彈出。陳晉一推入中路，射近柱無功而還。

開罰球找到補時換入的杜度，都是不中目標。最終港隊領先下，倒輸1-2，無緣晉級。