【初選案續審】區諾軒否認戴耀廷「騎劫」協調會議 自責未做好把關

已複製連結

民主派47人參與「35+」初選，涉嫌爭取立法會過半否決財案被控，16人否認串謀顛覆國家政權罪。區諾軒今早於西九龍法院盤問下主動補充戴耀廷協調會議後發出的新界東協調文件一事中，「我諗過覺得唔應該用『騎劫』呢個字眼來定性呢件事，始終唔想再用呢類詞語，結果又傷害戴耀廷」，但堅持與協調會議中的意見存在落差。

大律師馬維騉代表陳志全盤問下，區諾軒主動補充昨日被問及有否感覺戴耀廷騎劫新界東協調會議意見，「我諗過覺得唔應該用『騎劫』呢個字眼來定性呢件事，始終唔想再用呢類詞語，結果又傷害戴耀廷」，不過重申若協調文件內容屬實，則與協調會議中的意見存在落差。但區諾軒坦言當時未曾閱覽該協調文件，「當時嘅情況係蒙在鼓裡，原來實情新界東協調機制協議最後寫咗『會運用』」。不過區諾軒亦認為初選提名表格條款列明「我確認支持和認同由戴耀廷及區諾軒主導之協調會議共識」，自責「我終歸難免有把關嘅責任」。

區諾軒2020年4月底受訪曾指公眾或候選人對「35+」有兩種不同想像，其一是藉此提高民主派議價能力爭取五大訴求，另一種是不惜攬炒，否決財政預算案等向北京施壓。馬維騉盤問下區諾軒根據往績而言，同意陳志全屬前者，惟因本案需視乎案發期間各被告個人行為，所以「我唔想用自己評論來評價其他被告」。

馬維騉引述《齊上齊落  目標35+》、以至《真攬炒十步》的三篇戴文章，逐步指出「攬炒十步」時，《國安法》指定法官陳慶偉曾問及文中「Plan B」是否意指初選替補機制，區諾軒同意。法官陳仲衡追問初選中人是否知悉文中第六步「Plan C」？區諾軒答：「佢哋會有人預備『Plan B』，但講『Plan C』真係太遠喇。其實呢六步已經太遠喇，又咁多前設⋯⋯」。區諾軒直言「（攬炒十步）我覺得係佢嘅狂想，係啲好唔現實嘅預測囉」，眾被告聞言議論紛紛，區諾軒其後補充指「Final fantasy」，引來哄堂大笑。區諾軒亦認同最後三步——實施國安法，解散立法會，拘押民主派，血腥鎮壓街頭抗爭以及西方制裁中共屬戴耀廷末日預言。區諾軒坦言「攬炒十步」連第一步取消參選資格都不想出現，「我係一個因為人被取消資格而當選嘅議員，我一直都相信唔應該有呢啲事情發生」。