鰂魚涌中興大廈大火四級火八人傷

已複製連結

鰂魚涌晚上發生四級火，有過百名住客要疏散。暫時有七人受傷，送到東區醫院治理，消防員動用六條喉，及十隊煙帽隊撲救。

火警涉及大廈多個單位，有單位入面火光熊熊，亦有單位冒出大量濃煙。現場是英皇道981號A，至981號F中興大廈，晚上近十時發生火警，十分鐘後升為三級，在十時五十分，再升為四級。

有住客吸入濃煙不適，要用擔架床送院，並要用氧氣罩協助呼吸。有行動不便的長者，要由警方協助離開大廈。

中興大廈樓齡有四十七年，入面有四百多個單位，火警涉及大廈一至三樓 ，七樓以及九至十一樓，有過百名住客要疏散。消防亦都在中興大廈主要入口，設立臨時指揮站，而這一段濱海街，亦需要封閉。警方就在大廈外，設立臨時登記處，為未能返家的住客登記。