玫瑰戰爭｜楊茜堯3分鐘獨白多層次演繹 幻想隔空對戲陳自瑤超感人大爆「完全冇排練」

台慶劇《玫瑰戰爭》昨晚（10日）播出的最新一集中，女主角夏無雙（楊茜堯飾）再展驚人演技功架！劇中她不僅與幻想中出現的好姊妹關子盈（陳自瑤 飾）上演一段極致感人的隔空對戲，更在一場逾 3 分鐘的獨白重頭戲中，以近乎病態的內疚與自責，拿道具刀自刺手掌血流不止，神級演技再度獲得全網觀眾掌聲！

劇情講到，夏無雙獨自留在家中聽著音樂，回想昔日與子盈的快樂時光，不禁悲從中來灑淚當場。此時她幻想子盈再度出現在眼前，對方一貫展現溫暖親切的笑容，無雙情緒失控激動落淚：「子盈，我好掛住你，好想好似以前咁一齊喊、一齊笑，好想有人喺我隻手度劃個心畀我。」場面極度感人。

談到這場與陳自瑤（Yoyo）的感人對手戲，茜堯受訪時坦言印象極度難忘：「我哋現場其實唔需要講太多嘢，好自然就已經流露出嚟。我同 Yoyo 呢場戲係完全唔可以事先排練，如果排練過，反而會流失咗最真實嘅感情！」

而在另一場綜藝節目重頭戲中，黎綺雲（林夏薇飾）、藍鳳儀（姚子羚飾）、梁菲雅（傅嘉莉飾）及林安安（鄺潔楹飾）各自遇到意外，眾人指責是無雙從中作梗，並集體舉報她是「狼人」。綺雲更當眾指責：「依家玩遊戲啫，唔係玩傷害！如果話咁做係為咗節目效果，有冇諗過效果嘅後果係咩呢？係會死人㗎！」

面對眾人逼迫，無雙冷靜否認「狼人」身份，更語中帶話暗諷：「如果一個人，一而再、再而三咁去加害一個人嘅話，真係會死人！我哋個好朋友關子盈，就係咁樣無端端消失咗咁多年。我想當住全世界面前做一個懺悔，公開一個屈喺心底裏面好多年嘅秘密，我對唔住子盈。」

無雙眼眶泛淚道出最後一次見子盈的經過：「我內疚、我自責、我後悔，直到依家呢一刻我依然覺得好難過……如果真係要做一個大懲罰嘅話，我應該都係其中一個！」說罷，她竟瘋狂地將手中的「道具刀」狠狠插落自己手掌，現場瞬間血流不止！無雙試圖親自感受子盈當年所受過的痛楚，極端自殘舉動瞬間嚇親現場所有人。最後無雙痛心疾首地哭道：「如果嗰日我有拉住子盈嘅話，我就唔會失去咗我人生當中對我最重要嘅好朋友！」

這兩場重頭戲足見楊茜堯細膩極致的演技，尤其是看著幻想中陳自瑤時的那份不捨與痛心極其到位，每滴眼淚都充滿情緒。其後在長達 3 分鐘的懺悔獨白中，她從一開始的淡定、冷嘲，轉化為憤怒、內疚以至最後的崩潰痛心，情緒層層遞進且切換自如，完全牽引了螢幕前觀眾的心跳，再次證明實力派視后的頂級演技！