璀璨之城｜張曦雯江美儀婆媳大爆發 互相怒視吵架 親爆拍攝趣事：成日同佢鬥啤

《璀璨之城》昨晚（28日）王雪瑩 Kate（張曦雯飾）與惡奶奶丁麗明（江美儀飾）這對婆媳關係正式破裂，兩人在劇中互不相讓、指鼻子大聲吵架，火藥味極濃，精彩的飆戲場面迅速引爆網民熱議！

劇情講到，麗明帶着孝君（吳卓羲飾）和 Kate 來到香港拜訪昔日好姊妹顧玉琴（馬海倫飾），希望能找出志琛生前隱藏的一筆秘密資金。然而，Kate 一直無法理解孝君為何要放棄在「尚利鋒」的所有權力，更不明白為何要委屈住在玉琴家。面對孝君的隱瞞，Kate 終於按捺不住怒火爆發：「點解我哋要住喺度？純粹為咗敍舊？」孝君卻敷衍回應：「總之你照我嘅說話做就得，你遲啲會知道㗎喇！」

在一旁的麗明見狀當場發惡，指著 Kate 狂罵：「點解點解？咪因為你冇鬼用囉！你咁多年嚟都幫唔到我個仔呀！你咁想走，你走囉，走呀！」更出手將 Kate 粗暴推開！

二人當場眼神死死怒視對方，麗明再怒叱：「你真係大膽呀！我叫你行你企喺度，依家你咩態度呀？」Kate 不甘示弱即時高聲反擊：「我唔知 30 年前係點，但我好肯定依家個世界唔係圍住你一個人轉呀！」孝君連忙拉住 Kate 喝止，但麗明卻展現出視后級的淡定霸氣，冷笑回敬：「你咁唔鍾意呀？冇辦法㗎喎，除非你唔做我新抱啫！如果唔係，我日日都話畀你聽咩叫規矩，跟住你就會知道今日你錯喺邊度！」一番毒舌狠話當場把 Kate 氣得七竅生煙！

雖然劇中這對婆媳關係勢成水火，但張曦雯（Kelly）接受訪問時卻笑言，戲外的她們其實「老友鬼鬼」：「因為之前同美儀姐合作過，嗰時喺深圳拍戲仲一齊住，好多嘢都會搵佢傾偈，平時都會約出嚟食飯，所以大家關係好好。」

Kelly 更大讚美儀姐演這個惡奶奶「好正」，並大爆鏡頭背後的幕後趣事：「我哋經常喺片場大笑，佢演得瘋癲，我又唔怕死，我句句對住佢講嘢都有骨，拍呢啲對頭戲特別好玩！同埋我在戲裏面成日同佢『鬥啤』，但每次我都輸，一定係我忍唔住先眨眼！」