璀璨之城｜張智霖黑化變狂魔！眼神陰森再殺姜大衛 John哥驚呼：入行最心寒嘅一場戲

《璀璨之城》昨晚（26日）迎來震撼高潮！劇情焦點落在官孝賢（張智霖 Chilam飾）黑化無極限，為了自保竟再次向親生父親官志琛（姜大衛 John哥飾）狠心下毒手，場面陰森恐怖，令全港觀眾看得心寒！

劇情講到，孝賢早前將志琛推落樓梯後，急於搜尋父親手上的罪證卻未能成功。沒想到志琛生命力驚人，開始出現自主神經反應，更有清醒跡象。孝賢深怕父親一旦醒來會令自己一無所有，決定先下手為強，於醫院再次下狠手。

病房內，孝賢對著昏迷的志琛冷笑坦言：「我真係好驚你，細個嘅時候驚你唔錫我，到大個啲我又驚你打我、精神虐待我，到依家——我驚你唔死呀！」言語間盡顯多年壓抑的怨恨。

隨後，孝賢拿起濕紙巾直接蒙住志琛口鼻意圖焗死對方。他以極度低沉陰森的聲音說道：「多謝你帶我嚟呢個五光十色嘅世界，多謝你畀我衣食無憂，更加多謝你生個細佬出嚟同我鬥生鬥死……多謝你教識我一句說話：唔係你死，就係我亡！」配合 Chilam 令人不寒而慄的眼神，演技大爆發。

監製透露這場重頭醫院戲特意安排在半夜3至4點拍攝，加上 Chilam 的恐怖歌聲， 令John哥覺得現場氣氛驚慄萬分。 John哥（姜大衛）接受 tvb.com 獨家訪問時亦直言，入行多年這場戲最令他難忘兼發寒：「Chilam用濕紙巾蒙住我面。最寒係 Chilam 仲要喺度唱歌。我瞓喺度唔郁得，但真係全身毛管戙，呢場戲非常特別，令我好深刻！」