啟德私家車抽頭逆線衝斑馬線斷正 遭多名巡邏警員截停

網上近日流傳一段車Cam片段，事發地點在啟德晴朗商場對開馬路，當時不少行人正有序使用斑馬線過馬路，前方車輛亦慢駛讓路，豈料後方一輛紅色私家車竟抽頭逆線駛出，企圖在斑馬線前爬頭橫過。當時剛好有一隊軍裝警員巡經現場，其中3名警員目擊過程後，立即上前將該輛紅色私家車截停，並指示司機駛往路邊接受調查。

影片引起熱議，不少人指司機駕駛態度離譜：「師兄，唔好咁癲啦」、「班馬線逆線行？好似危駕」、「之字線不準切線，條友無考過筆試？」亦有大批網民紛紛留言調侃：「一次過有咁多人『招呼』佢，真係抵佢死」、「咁多人招呼，抵俾640啦」。