姚焯菲兌現承諾12月澳門開騷！留學紐約拍片冧粉絲：非常掛住大家

姚焯菲（Chantel）早前順利完成首個香港個人演唱會，贏得外界一致好評。20日，Chantel為粉絲送上大驚喜，正式宣布將把個唱舞台延續至澳門！

現時身在紐約求學的Chantel，特意拍片向一眾歌迷越洋訴說思念之情。她坦言十分掛念大家：「返咗嚟紐約讀書只係個零月時間，但係已經非常掛住大家！大家仲記唔記得喺上次演唱會，我講過我會喺澳門見你哋？我終於可以宣布喺12月26號舉行我嘅《想飛 Live Concert 》，希望到時見到大家。」

對於能夠有機會將個唱移師澳門舉行，Chantel直言感到既緊張又感恩。由昔日青澀的小女孩，到如今逐步累積起不同的舞台經驗，她表示自己一直非常珍惜每一次學習和演出的機會。談到今次澳門站的演出期望，她感性地說：「我希望以最純粹嘅歌聲同真摯情感，同大家分享自己嘅音樂成長歷程，以及喺聖誕佳節為支持同鍾意我嘅歌迷帶嚟一個溫馨嘅晚上。」