璀璨之城｜陳瀅挑戰尺度「近乎全裸」 大膽除衫驚爆除褲意外嚇窒攝影師

《璀璨之城》昨晚（15日）由陳瀅飾演的記者霍佩樺（Sarah），為了與官孝賢（張智霖飾）達成合作，竟然大膽在對方面前寬衣解帶，脫得一絲不掛大騷白滑美背與完美「蜜桃臀」，極致誘惑的場面瞬間辣㷫網絡，令一眾網民睇到嘩嘩聲！

劇情講述孝賢到秘密情人 Annie（陳曉華飾）的辦公室交代地下情並尋找手機，卻遇上 Sarah 步步進逼。孝賢先試探對方「你認為自己係唔係Annie最信任嘅人？佢有冇留低啲乜嘢畀你呀？」 Sarah主動出擊挑逗孝賢說：「我覺得我哋可以合作，Annie做到嘅嘢，我都做到。」向來疑心極重的孝賢雖然覺對方有趣，惟需觀察對方，「我哋只係識咗5分鐘，點解我要信你呀？」 Sarah對孝賢步步進逼，「你需要嘅係冇感情瓜葛，純粹利益交易嘅partner 。」

面對疑心極重的孝賢，Sarah 其後在 Annie 家中交出手機時，更即場脫下外衣露出黑色性感內衣，甚至進一步脫得一絲不掛，以最極端的方式證明自己夠狠、絕不私藏偷聽器，並霸氣揚言：「我講過Annie做到嘅嘢，我都做到，同埋你都見到我唔會錄你音。」

這幕出街後隨即引爆網民洗版式討論，大讚陳瀅身材弗到漏油：「呢場真係睇到嘩一聲」、「陳瀅今次去到好盡，呢個角色一定唔簡單」、「阿瀅身材勁Fit呀！」

對於這幕引起極大迴響的大膽除衫戲，陳瀅接受 tvb.com 獨家訪問時透露，原來是她主動向監製陳維冠（Joe）要求「加碼」！她直言十分喜歡這個故事，初時監製只要求一個簡單的露背 Back shot，但她認為這場戲蘊含 Sarah 的極大犧牲與深層次意義，並非單純賣弄性感：「我覺得呢場戲可以拍得更深入同大膽，出嚟效果會更好，絕對值得拍得更 Iconic。」

雖然主動加戲，但首次拍攝如此大膽的戲份，陳瀅 坦言難免緊張，更爆出驚險趣事：「嗰個Shot係影我要除褲，拍第一個take太緊張，條底褲竟然黐住咗條褲，差啲一嘢除晒！嚇到 Camman 哥哥勁驚，即刻叫我慢慢嚟。」她特別感謝劇組的保護與張智霖給予的信心，讓她能安心完成拍攝。

為了完美呈現這場戲，陳瀅下足苦功，花了整整9個月時間增肌減脂！她笑言：「嗰段時期我不斷做 Gym，主打練下半身，不停練 Pat pat！為咗呢個角色我堅持去做，反而令我養成咗健康嘅生活習慣。」

提到首次與張智霖合作，陳瀅坦言興奮多於緊張，更直指兩人極速培養出默契。她大爆兩人在辦公室的初次對手戲，Chilam 甚至即場大改劇本：「本來我係冇挑逗佢嘅，係佢加咗啲細節，令到成件事嘅化學反應同效果更加好！」