車Cam直擊｜灣仔堅尼地道女途人仆倒險釀慘劇 司機神反應扭軚閃避

網絡今日（8日）瘋傳一段車Cam影片，事發於今晨灣仔堅尼地道，車Cam車主如常沿車道行駛期間，路旁一名女途人不知何故突然仆倒，整個人險些摔出馬路撞向車身，情況萬分危急。萬幸司機眼明手快，於千鈞一髮之際即時扭軚閃避，成功避開女途人，避免了一場嚴重意外。樓主將這段驚險經歷分享至網絡，慶幸表示：「好彩遇著我 」。

片段引發大批網民圍觀，眾人看完過程均捏一把汗，直指畫面猶如「死神來了」，並一致洗版力讚司機的超卓反應與駕車技術，網民對司機迅速扭軚且未有擦撞鄰線表示佩服，留言大讚：「勁，快扭過佢又冇撞到隔離」、「好睇反應夠快」。更有網民認為司機的化險為夷表現堪稱典範，留言指：「師兄呢段片真係可以做教材」。