藍朋友旅朋友｜鄧佩儀親揭退隱真相 張嘉兒重提當選受抨擊

30日播出的《藍朋友·旅朋友溫哥華篇》，王祖藍帶同太太李亞男、囡囡Gabby與Hayley以及亞男妹妹，一家人入住高CP值渡假村，體驗出海釣魚及捕捉滿地生蠔的樂趣。行程中，祖藍與亞男特別走訪盛產華姐冠軍的英屬哥倫比亞大學（UBC）校園及溫哥華華姐培訓基地，並相約華姐好友鄧佩儀（Gloria）及張嘉兒齊齊整蛋糕聚舊。

前華姐冠軍鄧佩儀自2021年拍畢劇集《換命真相》首度擔正女主角後，曾「潛水」年半，外界一度盛傳她因演技及態度問題遭TVB雪藏。直至2023年，Gloria宣布在UBC修畢工商管理學士學位及電影製作課程，並決定留加發展。相隔五年再度亮相TVB節目，Gloria狀態大勇，並首度親解當年離巢原因。

她坦言當時的決定令身邊人相當愕然：「經理人都有打畀我。拍完《換命真相》後，監製聲哥隔幾個月開劇都想搵我，嗰陣我諗咗好多個鐘，問自己十年後生活想係點，發現我係想喺加拿大建立Family，又或者留喺屋企人身邊。」回想當年僅19歲，因視鍾嘉欣為偶像而隻身飛往香港發展，Gloria表示當時無法適應日夜顛倒的拍攝生活，以及熱鬧過後的強烈孤獨感。她憶述：「每次返到屋企自己一個就會好失落，有時凌晨四點返到去間屋靜英英，長久落去會有少少Lost。嗰時真係自己一個不斷喺屋企喊，唔係好健康。」

現時Gloria在溫哥華轉行從事Marketing，享受朝九晚五的規律生活，下班後能做運動及見朋友，她直言現在的生活比以往開心得多：「原來人係可以開心咁多嘅。」

同場的張嘉兒笑指，當年決定返港參選港姐，全因被免費機票吸引。談及當選冠軍後遭受外界抨擊，她坦言曾一度陷入自我懷疑：「嗰段時間都難過，開始Self-Doubt，諗『傳媒講嘢係咪真架呢？我係咪真係咁差呢？』」

除了與好友相聚，祖藍與亞男亦前往溫哥華華姐培訓基地，拜會統籌經理雷鳳娟兼「尋寶」，意外尋獲亞男當年參選的珍貴回憶。亞男更在席間分享了年輕時在溫哥華「亂咁跟男人上車」的純情往事，嚇得祖藍忍不住驚呼：「咁似拐帶兒童嘅？」場面惹笑。