譚輝智孖「阿妹」關嘉敏包船上中山會粉絲！親爆對Carman第一印象

譚輝智近日孖「阿妹」關嘉敏（Carman）與近 300 位粉絲一同包船前往中山暢遊歡聚。輝智隨後亦於中山舉行音樂會，吸引了多達 600 位來自不同地方的粉絲到場支持。他在台上傾力獻唱多首名曲，當演唱至《打開信箱》時更特別走近觀眾席與大家近距離互動，令全場氣氛極速高漲。

音樂會上，輝智與 Carman 合唱《一事無成》，瞬間將現場氣氛推向頂峰。二人事後接受 TVB 娛樂新聞台訪問，輝智大爆自己對 Carman 的第一印象：「真係以為係自己，淨係認到 Carman 扮自己嘅男人樣，連自己仔女見到 Carman 都唔相信係同一個人。」 Carman 亦笑言自己已跟輝智的子女變成好友：「我叫佢哋叫自己做『爸爸』，叫輝智做『Daddy』，不過小朋友話唔可以亂叫。」

另外，現場近百位粉絲更為在本月16日生日的輝智，以及8月24日生日的 Carman 齊齊大合唱生日歌兼切蛋糕慶生，場面非常溫馨歡樂。