試真D唷｜朱敏瀚分享拍攝花絮 張振朗錫面Sweet到爆

全新一季人氣節目《試真D唷》承接第一季輕鬆真實、貼地玩樂的風格，將由9月6日起逢星期日播出。今季節目由江美儀、張振朗、朱敏瀚、吳業坤及曾展望擔任主持，一行人遠赴台北、台南及高雄三個城市進行深度旅遊體驗，發掘當地隱藏美食、特色景點與在地玩法，為觀眾試出最真實評價。

日前朱敏瀚在社交網上載了一段拍攝花絮，留言寫道：「我哋返嚟喇！仲加多咗個變態佬啊！」從片段可見，眾人此行到台灣拍外景，當朱仔自拍打招呼時，拍檔紛紛輪流入鏡。

其中好兄弟張振朗更肉緊地向他送上「肉嘴」，錫完隨即行開，朱仔見狀即笑言：「喂，嚟多啖吖，影唔到相呀！」場面十分搞笑。貼文吸引大批粉絲留言表示一定會支持新節目，張振朗更笑言「你個笑係發自內心」，足見二人私下老友鬼鬼，不過最好笑竟有網民留言追問「坤哥去咗邊？」