夫妻的博弈｜郭柏妍衰到貼地！當面激吻張頴康挑釁高海寧 仲狠推好姊妹出馬路險死

無綫熱播劇《夫妻的博弈》進入結局周，劇情緊張到令人唞唔到氣！日前（3日）播出一集，幸如（高海寧飾）終於親眼撞破好姊妹雪文 Sherman（郭柏妍飾）偷食男友繼威 Mark（張頴康飾），高海寧的淚崩一幕更再度引起全城關注！

劇情講到，幸如親眼目睹最好的閨密 Sherman 與男友 Mark 正在忘我接吻。最令人髮指的是，其實 Sherman 一早見到幸如撞破二人親熱，但她不但沒有即時收手，反而刻意繼續，一心只想令幸如難堪，行為極度無恥。

目擊最信任的兩個人同時背叛自己，幸如難以置信地立即轉身離開。豈料 Sherman 見狀竟趕上前，更「厚面皮」到反問對方發生何事！幸如不敢相信相識多年的好姊妹如此虛偽，邊落淚邊崩潰質問：「點解你可以咁對我？你係我好姊妹，Mark係我男朋友，點解你要搞佢呀？」

當幸如堅決表示「我係唔會讓個男友畀你」時，Sherman 即秒速「變臉」兼聲大夾惡反咬一口：「點解你覺得你讓我？唔係我讓係呀！阿Mark最愛嗰個係我，佢好人先唔同你講分手，我都當你係好姊妹先一直讓你同忍你！」

Sherman 得寸進尺，更強烈要求幸如公開宣布與 Mark 已分手，企圖名正言順坐正做女友。幸如備受打擊奔跑離開，喪心病狂的 Sherman 竟然狠心到將幸如推出馬路，導致對方被車撞，心腸簡直衰到貼地。

這幕重頭戲中，高海寧的淚崩演繹令人睇到極度心痛。網民大讚她將痛心、驚訝，到面對無恥閨密時的憤怒演繹得極具層次。而郭柏妍的破格「綠茶」演出同樣大放異彩，成功激起民憤。大批網民睇到眼火爆，紛紛留言洗版：「Sherman真係衰到貼地」、「簡直想一巴打落Sherman度」、「高Ling啲喊戲進步咗好多，睇到超心痛！」