英聯盃第二圈：車路士 2-0 盧頓

英格蘭聯賽盃第二圈，車路士有韋碧克降臨，攻入加盟後首球，主場2-0擊敗盧頓。

沙比阿朗素遇上韋舒亞，兩位前中場各自領軍，前者上任藍衫車路士主帥後，英超首輪險勝富咸，今次面對低兩級、英甲的對手，高爾彭馬等主力都有上陣。

車路士上半場已經15射4中，但高爾彭馬連番起腳都無功而還。完半場前，摩根羅渣士接應橫傳射門，中楣彈出，半場維持0-0。

僵局靠誰打破？效力過曼聯、阿仙奴，由白禮頓轉投的韋碧克降臨。這位35歲英格蘭前鋒，加盟後為首次為車路士在正式賽事上陣，50分鐘接應古斯圖傳中，頂入成1-0。上季40場入14球，還「有貨交」。還差些好事成雙，高爾彭馬轉身，再送直線，韋碧克窄位射斜。

到79分鐘，巴西翼鋒艾斯迪華奧一個假身，再落底起腳，令奧度芬近門「擺烏龍」，車路士拉開兩球優勢。

尾段入替韋碧克的祖奧柏度，補時階段有機會入球，只是小禁區邊的補射力度不夠。另一後備兵基騰斯之後再有次中柱，車路士維持贏2-0晉級，連同英超，開季兩連勝。