港超：東方 1-3 至尊沙田

新一季港超聯開鑼，東方以1-3不敵「升班馬」至尊沙田。

藍衫東方日籍的大久保優，儲了整個暑假的能量，第一場瘋狂釋放。直線不是給他，照樣全速爆過去，博到何文輝犯規，球證判12碼。這位上季神射手親自操刀，攻入今季港超聯第一球，15分鐘為東方領先1-0。

至尊沙田新球隊有舊面孔，41歲「左腳仔」林嘉緯，用右腳差點有意外收穫，被高俊托走。臨完半場真正考驗到，祖迪艾法即射，驚不驚喜、意不意外，遠射彈地漏入，至尊沙田44分鐘，取得升班第一球。

占士史葛不甘於幫忙拾球，半場補時一控即熨，今次靚射靚救，半場1-1。這位蘇格蘭前鋒，踢過蘇超喜伯年等，射術不俗。換邊後第一腳被擋，攻勢未完，日援龜谷宇護兜後再射，又見占士史葛，近門補入，男人信甚麼？場上信自己亦信隊友，沙田52分鐘反先2-1。

在後備名單的7號，班主王至尊好投入，會否技癢今場即落場？

轉頭見另外兩位後備，馬文搶走龍梓軒腳下球，無懼從後又攬又拉，壓著身位傳到林學曦，兩人64分鐘上陣，68分鐘合作入球，近3,300人入場，見證至尊沙田首場港超贏3-1。