中年好聲音4｜陳旭培無緣7強 ！許美琪爆喊發長文 揭戰友台下真面目：我想同你一齊入決賽

《中年好聲音4登峯之戰》將於本周日（23日）強勢舉行！終極 7 強陣容塵埃落定，包括尹景順、尤淑情、許美琪、許雲妮、吳亦偉、蔡宓婕以及鄭家聲，眾人將施展渾身解數爭奪終極王者寶座。

雖然比賽已去到白熱化階段，但台下參賽者之間的感情卻相當深厚，當中許美琪與早前無緣踏上啟德舞台的陳旭培，更結下了猶如親兄妹般的「神仙友誼」！

一直與陳旭培老友鬼鬼的許美琪，日前在社交平台瘋狂大派「洋蔥」，分享了多張與對方的珍貴合照與影片。面對戰友7強止步，美琪坦言心碎一地：「我一睇到結果嗰刻，心都碎埋，喊到唔停，完全唔想接受呢個事實。」

兩人雖然在台上是競爭對手，但私下卻毫無比較之心，由始至終都互相鼓勵。美琪感性寫道：「旭BBBBBBBB！我真係唔知由邊度講起好，我哋啲相同影片實在太多，剪到下世紀都未剪完。記得一開始喺《團戰》等上台嗰時，我喊，你又喊，跟住之後發生咩事，你懂的。」

除了感性的一面，美琪亦大爆兩人私底下極度合拍的搞笑真面目！她笑指大家性格極相似，同樣是「盲盒狂熱分子」，旭培更幫她改了個花名叫「喪買琪」。這對活寶貝更是超強吃貨：「明明話要減肥，但每次點餐都一定點多咗！『今日食聽日減』（雖然通常都係冇減過🤣）。同你一齊可以吹水到唔知時間，我哋又狂笑到條街都聽到！」

在音樂路上，兩人亦是惺惺相惜的好拍檔。美琪直言一直極度欣賞旭培的歌聲：「嗰時喺電視聽到你唱《Careless Whisper》，我話：『哇，佢把聲同 Tone 好正！』同你合唱《Beauty and the Beast》真係正到爆，我好享受同你合唱。」

雖然未能一齊走到終點，但美琪堅定地為這位好兄弟打氣：「你嘅音樂依家先正式開始，一定要俾大家聽多啲你嘅歌聲。Will always be there for you bro，Love you bro！」字裏行間盡顯真摯情誼，相信旭培在決賽當晚，亦一定會在台下為美琪落力打氣！