中年好聲音4｜終極7強誕生！周志康遺憾止步淚崩告別舞台

《中年好聲音4》於昨（16日）晚播映 10 強戰最終回「衛蘭之夜」。經過 5 個回合的激戰後，比賽終極 7 強名單正式出爐，成功晉級的選手分別為尹景順、尤淑情、許美琪、許雲妮、吳亦偉、蔡宓婕以及鄭家聲。至於累積排名分位於末三位的周志康（第8名）、陳旭培（第9名）及鄭仲豪（第10名）則無緣晉級，遺憾止步《中 4》舞台。

在淘汰環節中，周志康難掩情緒，哽咽回憶起最初戴上面具、以「企鵝人」身份參賽的初心：「由一開始蒙住我塊面，我唔係邊個，我只係一個鍾意唱歌嘅人，多謝呢個節目，令到我、原來我把聲係可以觸動到人，呢件事我覺得好幸運，所以多謝『企鵝人』。」他隨後亦向《中 4》戰友及紫隊隊友表達感謝，指大家背後的故事非常值得支持，並呼籲觀眾：「就算我離開咗呢個舞台，7強嘅朋友都可以得到大家嘅支持，因為大家都真係好唔簡單。」

周志康更在台上向家人深情表白，感謝妻子這段時間對家庭與自己的照顧：「多謝我太太啦，因為呢段時間佢要照顧家庭，要照顧埋我，好愛佢哋。」最後，他亦向哥哥周志文吐露心聲，指二人無需多言：「我同佢唔需要講太多，因為我同佢真係心連心，Thank You！」周志康一番真摯的肺腑之言，令現場台上台下哭成一片，場面極為感人。