方力申靠「美食誘惑」獲小公主初獻吻 興奮到狂跳歡呼：其他人係唔得嘅

方力申（Alex）自女兒Isla出世後，其社交平台就幾乎淪為囡囡的成長集。而Isla的可愛冧樣以及與方力申如出一轍的「餅印」臉，更是俘虜大批網民喜愛。

近日，方力申再度出招，成功獲得小公主初次獻吻，直言開心到傻咗！從影片可見，為了得到囡囡的錫錫，方力申不惜以Isla至愛的美食作吸引，當Isla主動湊前咬住食物時，方力申趁機奪吻，隨即激動到狂跳兼舉手歡呼。

他在帖文中亦難掩興奮寫道：「你哋講咩都好，我唔理。總之，Isla第一次「主動」咀嘴爸爸」。不少網民看完大讚畫面sweet爆，指Isla非常配合爸爸；亦有不少人笑指方力申招數「古惑」，方力申幽默親回：「要教識佢，其他人係唔得嘅。」