夫妻的博弈｜游嘉欣短裙上陣晒青春魅力 親揭獲「阿哥」 馬國明度呢個稱號

TVB劇集《夫妻的博弈》播出後備受關注，其中新生代小花游嘉欣（游游）憑飾演千金小姐「葉熙妍」成為焦點之一。她在劇中不僅有多款時尚短裙造型散發青春魅力，與「二哥」馬國明的兄妹戲更笑點與溫情兼備，火花十足！

在劇中，游嘉欣飾演的葉熙妍與二哥葉家謙（馬國明飾）感情要好，對方發生任何事都會全力支持。早前劇情講述家謙突然煞車，令正在化妝的熙妍把唇膏畫出界。家謙一邊笑言「玩下咋嘛，鬼叫你要黐車坐，又唔願起身，仲要喺度化妝，搞到我成車都係紙巾。」熙妍則嬲豬地說：「今日我化得個妝好靚㗎，嗰啲紙巾會有人執㗎啦，你講點賠番畀我。」家謙最終貼心地親手為妹妹抹走唇膏。

首次與馬國明合作的游嘉欣接受 tvb.com 獨家訪問時，大讚對方戲裏戲外都十分友善：「佢真係好照顧我，畀到我哥哥嘅感覺，同埋佢個人好搞笑，我哋拍兄妹戲，佢都會畀好多意見令到情節更有趣。」她透露車上被作弄的一幕，正是由馬明提議放置更多紙巾來豐富畫面，更大爆對方為她度身訂造了特別稱號：「皇帝妹呢個稱號都係佢自己加畀我，令到大家感受到我哋兩兄妹嘅感情好好。」

劇中飾演千金小姐的游嘉欣有多套靚衫造型，更不時穿短裙上陣，每個 Look 都散發滿滿的青春魅力。她透露劇中的靚衫造型是由監製和設計師挑選，而她自己為了完美演繹角色，亦細心地從細節入手：「我平時都唔係好鍾意整甲，但我覺得呢個角色係一個千金小姐，佢咁貪靚一定會整埋指甲，所以我特登為咗呢套戲整咗幾個月嘅Gel甲。」