夫妻的博弈｜郭柏妍化身第三者色誘張頴康 慘被寸「Microwave」

TVB《夫妻的博弈》劇情越演越烈，5日播出一集，郭柏妍（飾 Sherman）與張頴康（飾 Mark）的親熱戲成為全城焦點！原本以為是火辣的激情戲碼，最終卻因為二人身形差距而神展開，爆笑金句連發引發網民熱議！

劇情講述幸如（高海寧 飾）將計就計，刻意安排 Sherman 與 Mark 在家中單獨相處。Mark 得知後以為有艷遇，興奮地買定壯陽藥和紅酒，更悉心佈置浪漫氣氛，半裸上陣大晒腹肌準備迎接幸如。另一邊廂，Sherman 刻意滴眼藥水扮可憐，一見到 Mark 即投懷送抱哭訴。

面對 Sherman 的主動出擊，Mark 終於把持不住吻向對方。豈料在親熱期間，Mark 發現 Sherman 的身材與幸如相距甚遠，連環爆出抵死金句：「點解明明目測有42吋，依家差咁遠？」、「Microwave？咁我好難代入到你係 Senna 㗎喎！」Sherman生氣地說：「施繼威有冇搞錯呀？你當我係Senna?有病㗎你？」隨即嬲爆爆離開，場面搞笑。

這場「浪漫變搞笑」的戲碼令網民笑爆嘴，紛紛留言大讚張頴康身形極Fit，又笑指「阿康講 microwave 真係笑咗」、「郭柏妍簡直係進擊的小三」。

為了演活劇中令人又愛又恨的渣男角色，張頴康接受訪問時透露特別下苦功減磅，成功營造出討人厭卻又具吸引力的形象：「我用咗1個月時間減磅，嗰時酒店得跑步機，我每日收工就返去跑步，兼且由朝早同中午都唔食，剩係食晚餐，仲要冇飲酒，所以瘦得好快，我都幾鍾意嗰時個狀態。」

提到劇中與郭柏妍有多場親熱戲，更是他入行以來最多的一次，他坦言事前已向太太報案：「我拍之前都有同太太講咗，佢好信我，同埋又識得郭柏妍，知佢好純品，佢都有叫我睇住佢。」

拍攝這類親密場口，男演員往往比女演員更具壓力。張頴康表示：「郭柏妍都好信我，知我唔會亂咁嚟，我同佢拍嘅時候，都會用我身體幫佢遮啲穿崩位。」而郭柏妍亦坦言自己因為經驗尚淺，拍攝前十分擔心：「好彩康哥好好，講清楚會做咩，慢慢拍得多咗就輕鬆啲。」