何伯驚傳肝癌病逝｜重溫何伯何太經典金句 相差30年忘年戀轟動全城

「何伯」何煊驚傳病逝，終年 79 歲。據悉，何伯早前患上肝癌，近日病情持續惡化至無法進食，最終不敵病魔離世。

回顧 2024 年，何伯與年輕逾 30 歲的「何太」葉秀定高調亮相無綫節目《東張西望》。當時何伯與 5 名親生子女反目成仇，公開怒斥細女在銀行私自領走其 450 萬港元的積蓄，事件震撼全港並引發全城熱話。惟去到 2025 年，兩人的關係急轉直下，更於菁田邨爆發互毆事件被捕，一同被警方控以蓄意傷人罪。

當年何伯事件在《東張西望》一連 4 集播映，期間爆出無數超爆金句，一度成為港人茶餘飯後討論度最高的話題。

【第1集】街市煲湯定情 怒斥子女針對「老實人」

煲湯飲出感情：何伯談及與何太在街市相識的經過，甜蜜指：「大家你眼望我眼，幾好；佢煲湯畀我飲，我就飲，佢啲湯又幾好飲，我就飲出感情，大家就簽紙。」

主動提出結婚：何太談及主動向何伯提出結婚時，面帶甜蜜笑意說：「同佢行密咗，發生咗啲關係，就決定結婚。」

力撐何太： 面對何太被子女炮轟是騙子，何伯心疼維護：「我一睇到佢就係老實人。個個都針對佢，你話我幾心痛吖。」

【第2集】聯名戶口爭議 晒六位數情人節禮物

繼承用語被糾正：主持魏柏豪問何伯最初為何與細女開聯名戶口，何伯表示：「我都幾十歲，希望我走咗之後，佢可以繼承得到。」未有上鏡的何太隨即在鏡頭後激動插嘴：「係處理得到，你唔好講繼承，唔係佢繼承呀嘛，你用詞用好啲，好唔好？」

晒豪氣禮物： 何太展示六位數情人節禮物，幸福表示：「佢咁樣錫我好難得，冇人咁樣為我使錢。」

【第3集】澄清非貪財 激動直呼「邪不能勝正」

拒當名錶： 何太為被指「貪財」解畫時，激動澄清：「佢畀隻錶畀我話去當，我都唔要住，我仲有錢，我頂得住！」

名聲宣言： 何太更於鏡頭前大喊：「我頂唔順呀！因為我係好注重名聲嘅人！邪不能勝正！我哋為人正直！我哋會堅持走正確的路。」

【第4集】讚進展快「啱心水」 豪言十幾歲來港「閱人無數」

進展迅速合心意：對於與何太進展太快，何伯滿意表示：「佢急，啱我心水，嗰時我都唔夠膽，初初我主動追唔夠膽，佢有意思，我就最好啦！」

直言一見鍾情：何伯更坦言對何太是一見鍾情：「我早就睇中佢，我一眼就鍾意咗佢。」

自豪閱人無數：何伯指自己十幾歲來到香港，早已閱人無數，對自己的眼光信心十足：「邊個女人呃我，我一定睇得出！」