江湖見2｜西遊記3師兄弟ReU 陳浩民大爆黎耀祥「背稿神功」

集體回憶返晒嚟！《食玩假期呈獻：江湖見》第二季於2日、3日晚播出的第四及第五集中，迎來了最令電視迷興奮的特別環節——1998年經典劇集《西遊記（貳）》中飾演大師兄「孫悟空」的陳浩民驚喜現身，與師弟「豬八戒」黎耀祥及「沙僧」麥長青（麥包）再度世紀合體！

原來這三位西遊記師兄弟已經整整有二十年「冇坐埋一齊」，相隔多年難得重聚，三人一碰面自然有說不完的話題。

雖然陳浩民在劇中貴為「大師兄」，但他笑言私底下自己其實是小師弟，當年經常要向演戲前輩祥哥及麥包請教。陳浩民更在節目中大爆祥哥當年的「背稿神功」讓他心服口服：「佢老人家成日返嚟先睇（劇本），好有天份架」。他回憶某天請教祥哥該如何演繹某場戲時，祥哥回答：「唔好問我住，我成兩頁紙對白，等我背咗先」。隨後陳浩民親眼目睹祥哥瘋狂背稿：「我睇住佢背背背，跟住真係一口氣冇NG，全部講晒！」對祥哥的天賦讚不絕口。

談到當年的神預言，陳浩民笑言自己那時早已睇好祥哥會攀上事業高峰，不過卻因為一時「口誤」鬧出笑話：「嗰時我都話，你一定會攞影帝，佢（指祥哥）成日都好懷疑自己」。祥哥聞言隨即笑著回應更正：「唔係～我攞視帝啫！」

三人哄堂大笑後，陳浩民感性地續說：「睇住佢攞視帝嗰日，我真係好開心。」 不過感性過後，他又不忘調皮地向身旁的麥包發動「連環攻擊」，指著麥包笑說：「我唔係逢人都講話攞視帝，你有冇見我同佢講吖！」逗得全場大笑。

提到《西遊記》，觀眾自然會聯想到第一代孫悟空張衛健。節目中，祥哥一針見血地直問陳浩民，當年要接棒健仔演出時的真實心情。

對此陳浩民表現得非常大方，坦言當時的心情是：「唔係呀嘛，個天對我咁好嘅？」 他更透露試鏡當天的神奇經歷，指自己一到場就被叫去化妝間：「到咗之後有個盒喺度，一打開就係孫悟空個頭套」，由此展開了這段經典的西遊之路。