本地足總盃決賽：大埔 2-1 東區

本地足總盃決賽，陳肇鈞入兩球，助大埔2-1擊敗東區。

綠衫大埔的南韓外援沈承賢，早段有次起腳中柱。他們今季已捧走高級組銀牌冠軍，力爭成「雙冠王」，贏家亦可獲得來季亞冠二資格。大埔14分鐘領先，來自陳肇鈞近門撞入。加比爾接應罰球二傳，陳肇鈞衝前搶點成功。大埔上半場壓著東區，角球攻勢都有威脅。

東區今季新升班，先後淘汰衛冕的東方及北區。主教練吳偉超說，成軍八個月就入決賽，是意料之外，鬥志是球隊最大優勢。不過經驗豐富的大埔，完半場前拿到「保險球」，帕特華維迪射門省中人，還有陳肇鈞補中，個人入兩球，為大埔拉開2-0。

東區換邊後反擊，半場後備上陣的楊焯鈞，右路成功搶截後，安迪勁射被盧兆崎撲出。兩支區隊對決，吸引了超過3,500人，高溫下仍入場支持。東區之後的角球攻勢，令對方犯手球，球證當時未有表示，不過之後經「VAR」覆核，確定費蘭度手球，大埔輸十二碼。華倫天奴射入，88分鐘為東區追近1-2。

補時階段壓上，不過都無功而還。更因門將保羅出迎撲跌對手，要輸十二碼。雖然馬高斯山度士射失，中楣彈出，但大埔都保著贏2-1，繼2008至2009球季第二度在足總盃封王，兼取得來季亞冠二資格。