佘詩曼讚陳山聰囝囝聰明 與契仔互動溫馨滿瀉：真係醒到不得了

佘詩曼唔單只多朋友，契仔契女一樣多，其中好友陳山聰囝囝Jaco都是其契仔之一。

日前她在社交網分享與Jaco一同拍攝廣告的鏡頭背後照，更大讚契仔聰明到不得了，事緣在兒童節Jaco與爸爸陳山聰逛街時看見阿佘最愛的Labubu公仔，就說要買給契媽，而阿佘當然看得出其實Jaco想其回禮，「結果佢揀咗一份香港係好難買嘅禮物，終於係要叫人專登喺上海幫我買。」

阿佘亦買Jaco喜愛的公仔作回禮，「我特登等到我哋一齊拍廣告當日送俾佢，收到嘅時候候，佢當然開心到爆～而我就覺得佢醒到爆～依家啲小朋友真係好聰明。」

她最後更叫陳山聰要好好悉心教育和謹慎栽培Jaco。 另外，Jaco又餵契媽吃蛋糕和幫對方戴皇冠，氹得阿佘不知幾開心，不少網民也指這個契仔認真聰明，又指兩個互動認真甜蜜，而Jaco亦有留言「多謝靚女契媽💜我孝順父母之餘，將來都會好孝順妳」。