重案解密｜胡卓希爆苗僑偉戲內外反差大 三哥一舉動超暖心

《重案解密》現正熱播中，由於劇情緊湊，加上不少熟悉的演員面孔，吸引不少觀眾捧場。劇中演苗僑偉下屬的胡卓希，早前接受訪問大談與苗僑偉拍攝的趣事，並指對方戲內外反差大。

胡卓希指戲內苗僑偉是一個嚴肅認真的上司，惟戲外非常搞笑，經常與他們開玩笑，絕對是一位十分友善的前輩。

他又指由於對方拍攝經驗豐富，因此令其獲益良多，「 佢好清楚每一秒發生嘅事情，有時我哋都未知道下一個鏡頭拍咩，三哥已經同我哋講企喺呢個位置，之後個鏡頭就會咁樣拍，呢啲就係佢嘅經驗。」

胡卓希續說：「三哥成日教我哋拍每個鏡頭嘅時候要點做得精準，但當我哋演嘅時候，佢唔會同你講要點樣演，畀好大嘅自由度我哋，發揮自己嘅創作空間。」

他指全因苗僑偉認為每個人演法不一，才能有不同的化學作用，擦出更多火花。