正義女神｜蔣祖曼完美演繹內心掙扎情感 因1原因嬲爆「邵玲」

《正義女神》21日一集演感化官的蔣祖曼複雜的內心戲，同樣引關注！講到邵玲（蔣祖曼飾）以感化官身分向細佬邵文（周嘉洛飾）為雅文阿Cat（陳若思飾）求情，並指阿Cat 犯案全因其原生家庭有莫大關係，「因為佢嘅家庭壓力先會有呢啲行為問題」、「我信佢，佢真係會改」。

正義女神｜蔣祖曼完美演繹內心掙扎情感 因1原因嬲爆「邵玲」：我睇劇本時都忟

其後邵玲趕到案發現場見阿Cat之母身中多刀垂危，外界紛紛譴責邵文錯放兇手，仕途受阻，使邵玲自責，同時又覺自己幫不到阿Cat而感難過，情緒崩潰爆喊，「我真係覺得自己好無用」。

隨後，邵玲發現證據證明阿Cat並非自衛殺人，而是有預謀計劃殺害母親，終於鼓起勇氣上庭指證對方。邵玲眼紅紅強忍淚水說出阿Cat透露將會有計劃對付大貓，更指出大貓為其母親，即證明對方早有計劃殺害母親。

蔣祖曼接受 tvb.com獨家訪問指此兩集對於邵玲是很重大的轉變，「我覺得最難嘅地方係邵玲見到阿Cat殺貓，嗰種嘅掙扎，因為一直都知佢怪怪地，但冇諗過發生咁嚴重 ，所以當初讀劇本時細佬問我信唔信佢會改過，我係用咗好長時間消化佢係點諗，其實佢一直都係自己呃自己。」

她續說當中情緒十分複雜，「邵玲叫阿Cat認罪，細佬又輕判咗，全因我令佢工作出問題，當刻係好崩潰，我演嘅時候都好心悒。」

她指眼中的邵玲除了善良，更不是懦弱的人，「由細到大被阿媽虐待，仲要一個人照顧成頭家，即使喺咁多困難入面成長，佢依然保持想幫人嘅心 。呢兩集係可以睇到佢內心嘅一面，即使佢明知對方係錯都包庇佢哋，佢咁做係希望令自己好過啲，所以其實佢嘅做法係錯，我睇劇本時都好忟。」

邵玲一角也引起不少網民討論，留言「佢嘅同理心反而令件事有反效果」、「邵玲真係唔適合做感化官」、「做感化官真係唔易做」、「邵玲唔好將所有嘅錯攬上身」。