美食新聞報道｜中環新派上海菜鼎爺帶路 米芝蓮推介必食樟茶鴨/響油鱔糊

《美食新聞報道》「識食之人」鼎爺李家鼎又出動帶蔡景行（行仔）試新派上海菜，鼎爺講解新舊之別︰「新派我接受多啲，味無咁濃、油亦無舊派咁多。」今趟二人到中環搵食，分別點了樟茶鴨、龍鬚桂魚絲及響油鱔糊，鼎爺講到三味菜的典故，他說︰「聽講樟茶鴨原本係北京填鴨嗰類，相傳有位京官得罪皇帝，被貶咗去成都，當地著名嘅係煙燻鴨。因為個官好掛住北京填鴨，最後廚師將煙燻鴨同填鴨做法融合成樟茶鴨。」至於響油鱔糊之所以得名，同該味餸上桌時淋上滾油，發出的「滋滋」聲有關。

此外，由尖沙咀地膽SaSa帶路揾食，孖行仔去「韓國街」食地道螺絲粉！螺絲粉的湯底日熬十小時，配料豐富螺肉鮮甜，黃金炸彈、腐皮吸滿酸辣湯汁，吃起來相當過癮！ 店內的惹味小食亦不容錯過，原隻醬爆大螺魷，螺肉疊加魷魚，爽口彈牙層次更加豐富，行仔大讚：「鮮上加鮮」！讓SaSa一試難忘的還有藤椒魚皮，藤椒風味辣中帶麻，魚皮爽脆全無腥味！