正義女神｜許紹雄真摯認錯「阿爸好失敗」！父子戲催淚引觀眾反思親子關係

《正義女神》8日一集已故藝人許紹雄向演其兒子丘梓謙道歉一幕，令不少觀眾看到眼濕濕。講到洪思義（許紹雄飾）當年因兒子洪知行（丘梓謙飾）捲入盜竊罪而火爆掌摑對方，導致父子關係決裂。

不過思義心底一直也很疼錫關心兒子，更希望對方搬回家中居住，因此他與太太陸婉萍（康華飾）買菜邀約兒子回家吃飯。

思義得知兒子做外賣員後，特意買了一個質素較好的電單車頭盔給對方，並向他道歉，「阿爸唔啱，子女唔係父母嘅附屬品 ，你有你自己嘅獨立個體，我係唔應該要求你做我想做嘅嘢 。」

思義真誠地捉着知行隻手表示「阿爸好失敗 ，對唔住」。

原本知行看見父親道歉加上電單車頭盔的禮物，態度軟化，但當他聽到思義說：「如果唔係我，你唔會群埋嗰班人，唔會做啲唔好嘅嘢。」

知行聽到後即表現激動表示「你到呢一刻都仲係覺得我有份？」思義則說：「算啦，都過咗咁耐」不過知行氣憤表示「算咩？你算咋，我唔會就咁算」繼而丟下頭盔離開。

不少觀眾指這幕許紹雄誠懇向兒子道歉覺得很感動，並指看到眼濕濕，尤其是他的一句「子女唔係父母嘅附屬品 ，我係唔應該要求你做我想做嘅嘢」令很多家長有共鳴，甚至反思自己有否對子女太規管，紛紛留言表示「好感觸」、「Benz真係做得好好」、「好有溫度嘅一幕」、「好多父母同仔女都一定試過有誤會」、「希望洪官同阿仔快啲和解」。