臥底嬌娃｜涂毓麟深情暖男狂吸Like！戲外同樣專一寵爆女友

《臥底嬌娃》現正熱播中，9日一集歐凱（涂毓麟飾）成功約會童小茹（羅毓儀飾），其穿上西裝赴會，不少粉絲也睇到心心眼。

劇情講到歐凱為答謝小茹小時候幫助他，因此終於鼓起勇氣提出約會，小茹亦一口答應令其開心不已。

當他出街時，歐凱婆婆Helen(蘇恩磁飾）叫他換上西裝，更爆出歐凱自小已喜歡小茹，「你6年班已經話要娶人做老婆，咁人哋知唔知你鍾意佢？你有冇話畀人知呀？」令歐凱表現害羞。

歐凱在約會時也展現暖男一面，除一早買了多場戲飛外，小茹亦因太累關係在看戲時睡着了，更挨着其膊頭，睡到流晒口水兼有鼻鼾聲，惟歐凱毫不介意，反而看見小茹這個睡着的樣子，不禁甜笑。

不少粉絲指歐凱靚仔、專一又細心，真的被他迷倒了，更留言「希望小茹會知道歐凱心意」、「歐凱個笑容真係好吸引」、「唔知佢哋最後會唔會喺埋一齊呢？」

戲外涂毓麟同樣是專一暖男，他與女友孫樂言因參加內地真人騷一拍即合，自拍拖後不時在社交網分享多張與女友的甜蜜照，又互晒情侶視角相放閃，認真Sweet到漏！

他曾大讚女友是一位很有規劃、有主見兼聰明女生，私下相處時候，又會有小鳥伊人一面，二人相處得很舒服。