重播《名媛望族》令江美儀英文對白爆紅 本尊爆當年靠一個人成就經典

《名媛望族》早前在深夜重播，江美儀飾演三太太，一場與劇中老公劉松仁的吵架戲，當中的對白成經典，引起網民熱烈討論。

她在該場口怒罵劉松仁要娶楊茜堯過門，鄙視楊茜堯是戲子：「大姐書香世代，二姐前清格格，我阿爸係銀行家」，更說出三句英文對白「I don’t give a damn!」、「I’ll shout as I please!」、「As if I care!」氣勢十足，讓觀眾看得津津樂道！

重播《名媛望族》令江美儀英文對白爆紅 本尊爆當年靠一個人成就經典：冇諗過10幾年後大家咁鍾意

該經典對白熱傳整個社交平台，令從未看過《名媛望族》的新一代都開始翻看，引起新一輪翻煲該劇熱潮，更把劇中三太太江美儀製成表情包及電話鈴聲，人氣爆燈。

江美儀本尊因而「現身」感謝網民支持，更不停回覆網民，其中她笑言「其實我英文麻麻哋架 I go to school by bus My name is Siu Ming」、「你哋真係好正呀！多謝晒呀」，有網友留言「其實我想知江美儀本人知唔知佢呢排咁紅？」江美儀亦有回覆「哎呀，邊度係呢？係你哋比面！」。

談到她近日熱爆網絡一事，江美儀接受tvb. com獨家訪問獨家訪問獨家訪問自言意料不到，感到十分驚喜，「因為最近發現Threads好多人tag 我，我先發現《名媛望族》原來咁hit，我冇諗過10幾年前拍嘅電視劇，咁多年後大家咁鍾意成熱話，真係好驚喜。」

她大讚網民相當有心，「佢哋仲勁到整鈴聲同Stickers，連好勁嘅漫畫家都畫我個樣，我真係冇諗到自己突然喺Threads咁火。」

問到她看回這些劇集片段時，有否回憶湧現，美儀坦言一直也很喜歡此劇，更親爆當年那幾句的英文對白由劉松仁設計，「我依家睇番都覺得好好睇，真係好多謝松哥，佢好有心機同埋對角色嗰個要求真係好高 ，我記得當時我嗰幾句英文對白係佢寫，所以我覺得佢真係好叻，令到出嚟效果咁好。」