
《玫瑰战争》昨晚(12日)播出的最新一集催泪感人!视帝马国明饰演的「李德龙」,在收到旧爱关子盈(陈自瑶 饰)的遗物后不禁当场落泪,短短一幕尽显视帝级深情功架。更令全网惊喜的是,马国明与昔日经典萤幕情侣杨茜尧(饰夏无双)相隔长达 12 年再度同框飙戏,昔日深情一对今次竟然变成「冤家路窄」,勾起无数观众集体回忆。
剧情讲到,由于子盈的关系,德龙与无双一开始互相讨厌、针锋相对。当无双将子盈的遗物交还给德龙后,德龙触景伤情,回想起昔日与子盈的甜蜜往昔。他望著两人当年的订情公仔,情绪由眼眶泛红慢慢转为泪流满面,伤心欲绝地自言自语:「你知唔知我见佢哋一次,就挂住你一次,我见佢哋多一次,又挂住你多一次。如果当年我有勇气,勇敢啲留住你,我哋依家已经可以好似佢哋咁,有仔有女。」
随后德龙满怀愧疚地痛哭道:「系我冇用呀子盈!」并将公仔紧紧拥入怀中,场面极致催泪!虽然戏份短短一幕,但马国明将角色情深专一、悔恨交加的一面演得入木三分,细腻喊功获网民激赞「不愧系视帝」!
今次亦是马国明与旧拍档杨茜尧继《On Call 36小时II》后,相隔 12 年再度同框演戏。过往二人多数饰演深情情侣,今次却破天荒演绎互相讨厌、处处敌对的冤家,新鲜感十足!
谈到与杨茜尧再度合作,马国明接受 tvb.com 独家访问时坦言非常开心:「我哋隔咗咁多年再合作,个默契依然喺度,不过大家睇剧本冇以前咁表面,依家深入咗好多,大家嘅演技又进步咗。」
马明更对茜尧的演技赞不绝口,重提昔日合作经典场面:「佢做戏愈嚟愈稳,更加有层次!同埋佢不嬲都好劲,我记得以前拍《On Call》有场求婚戏,当我讲完一段感动嘅对白,佢一揽埋嚟滴泪就即刻落,佢不嬲都系咁准,依家依然保持顶级水准!能够继续同佢拍戏好开心,希望嚟紧再有机会,因为呢啲咁有默契、咁耐拍嘅对手,系会有新嘅火花出嚟。」
至于杨茜尧受访时亦笑言与马明默契依旧,更爆笑透露在片场经常忍不住质问对方:「我成日问佢:『点解你喺戏入面唔钟意我嘅?』因为啲观众成日会话点解我哋唔系做一对!我同佢以前演情侣较多,今次反而系冤家路窄同埋敌对嘅场面多,感觉几得意!」茜尧又指两人如今均已成家立室、心态更成熟,演戏世界的情感更丰富,各自都能独当一面支撑起角色。





