璀璨之城｜张曦雯化身心计二少奶 自爆初时演得唔够放 激赞吴卓羲眼神有戏：一望就入戏

由张智霖、吴卓羲、高海宁、张曦雯、姜大卫、陈滢、江美仪、陈炜和蒋祖曼等主演的《璀璨之城》将于下周一（12日）隆重播映。 除了张智霖与吴卓羲相隔13年再度合作上演豪门兄弟博弈外，两大女主角高海宁（高Ling）与张曦雯（Kelly）的「妯娌之争」同样是全剧焦点。两人在剧中由昔日好姊妹走向决裂，双双嫁入官家后展开连场明争暗斗，火花四溅。

Kelly在剧中演官家二少奶王雪莹Kate，深爱老公孝君，为了帮助另一半上位，可谓心计十足、甚至不惜一切。

Kelly接受tvb.com独家访问时直言这是她首次参演家族豪门斗争剧，面对这个充满计算且行事狠辣的角色，她直认初时演得未够放：「阿Kate做事做得好出面，好多时候会喺啲唔适合嘅场合讲啲难听嘅说话，初头都会担心系咪真要做得咁衰，但Joe（监制）畀咗好多鼓励我，令我愈做愈放胆，我都觉得呢个角色系好好玩，对我系新嘅尝试。」

她续指剧组曾因剧本调整而停拍了两个月，这段时间反而让其有更充足的准备，「 初时系做得唔够 ，阿Joe都有同我讲要再点调整。𠮶两个月正好畀咗时间我重新整理，好好进入角色嘅情绪，之后再开机拍摄时，感觉真系更加得心应手。」

至于首次与卓羲合作，Kelly对这位拍档赞不绝口，直指对方极具感染力，「佢嘅眼神真系好有戏，好似对我角色嘅唔理解或者佢做错嘢我质问佢时嘅惭愧样，全部都喺佢眼神入面，所以我一望住佢就好入戏 。」 除了演技出色，她亦大赞卓羲是好演员的榜样，「佢个人好搞笑，日日同佢开工都好开心，同埋佢亦好细心好锡身边人，对台前幕后嘅人员都好照顾。」