觀塘便利店疑售過期3星期鮮奶 苦主誤飲一啖即肚瀉

網絡近日流傳一段長約19秒的影片，有網民指在觀塘連鎖便利店購入盒裝鮮奶，飲用一啖後隨即出現腸胃不適腹瀉，後來發現貨架上多盒鮮奶疑已過期多時。

事主指當天早上飲用購入的鮮奶後便感到身體不適，直言：「今朝飲咗一啖已屙到X街」，影片所見，畫面顯示貨架上多盒鮮奶飲品，包裝上記錄的日期均為7月中至下旬（如7月18日、21日及25日等），事主指：「過期3個星期仲賣係咩事」。

事主事後補充，已收到該便利店的回覆，又整理了出事時間線，「成個時間線係今朝9點左右買左2盒奶，09:20 飲左啖發現變壞 之後開始唔舒服肚屙，10:23 拎番第二盒過期奶落去拍片同職員理論嘅時候，店員除咗對唔住 就係馬上收走左我盒奶，果刻真係無報到食環 因為真係第一次唔識處理。」

貼文隨即引來廣大網民熱議，不少人對連鎖便利店出現長時間過期的貨品感到震驚，留言指：「CXS 成2個星期」、「下 咁過份！ 好唔OK喎」、「癲！仲要過咗咁耐，唔咪一兩日喎！！」，更有網民無奈揶揄該盒鮮奶簡直是「便秘之選」。