江湖見2｜黎耀祥麥長青大同訪「令狐冲」呂頌賢 感嘆「成也令狐，敗也令狐」

無綫旅遊節目《江湖見》第二季20日一集，黎耀祥（祥哥）與麥長青（麥包）暢遊大同的恆山懸空寺、大同古城及雲岡石窟，品嚐「百花燒賣」、「鳳趴窩」、「北魏酪漿」及「北魏羊羹」等地道美食。在恆山懸空寺一站，兩人更邀得「永遠的令狐冲」呂頌賢擔任嘉賓，以茶代酒笑傲江湖，暢談昔日拍金庸劇的難忘點滴。

節目中，麥包提到令狐冲身為華山派大師兄兼恆山派掌門，祥哥笑指早前暢遊華山時應找呂頌賢同行。呂頌賢即「令狐冲上身」笑言：「好彩冇叫咋！我係華山棄徒，畀人趕咗出嚟，恆山就唔同，我係掌門人，成個大同我話事。」展現角色調皮本色。

隨後三人前往大同古城的茶舍話當年。呂頌賢自爆現實中茹素多年且甚少飲酒，當年要飾演愛酒如命的令狐冲可謂「後患無窮」：「害得我好慘！內地好多酒民見到我都話：『你仲唔飲酒』！」更笑說常被人拎住壺來「拎壼沖」。談到令狐冲成為經典，他謙稱全因劇本與人設出色，直言身為金庸迷，接到角色時興奮不已。

談到拍攝金庸劇的最難忘經歷，呂頌賢透露拍打戲因身材夠Fit而「從無受傷」，最難反而是借酒澆愁的文戲。他憶述當年與飾演師弟的演員排戲時並無異狀，正式拍攝時對方卻突然「兜口兜面打落嚟」；最哭笑不得的是對方事後竟稱「突然覺得應該要咁做」，讓他直呼「真係想打佢」。

呂頌賢又坦言對令狐冲這個角色又愛又恨：「愛嘅係帶來好多成功因素畀我，好多人搵我拍戲啦，好多外快啦；恨嘅係呢個角色霸佔咗我成個演藝生涯，大家接受咗角色成為經典之後，無論我做乜嘢，都唔係呂頌賢去做，係令狐冲去做。」他試過演反派，結果被不少網民怪責：「你點解畀令狐冲去做反派？」難怪三人會齊齊感嘆「成也令狐，敗也令狐！」