愛回家之開心速遞｜呂慧儀劉丹溫情對話 張景淳發文難掩不捨之情

播映長達九年半的《愛·回家之開心速遞》即將劃下句點，大批忠實觀眾與一眾演員皆對此感到極度不捨。在9日播出的第 2847 集「得放手時需放手」中，劇情上演了極具催淚效果的溫情戲碼，戲裡戲外的離別氛圍，引起網民熱烈討論。

該集最動人的高潮位，莫過於若水與父親樹根的一番肺腑之言。當樹根驚訝於若水為了家庭與腹中胎兒變得懂事時，若水握著父親的手深情剖白：「你額頭慢慢慢慢愈嚟愈多皺紋嘅時候，我就慢慢慢慢識諗啦。爸，我知你錫我，但我大個啦，好多嘢你要讓我自己面對返。我知你養兒一百歲，常憂九十九，但其實唔應該㗎！爸，你辛苦咗咁耐，照顧咗我哋咁多年，是時候放手，讓我哋自己去跑去闖，你係時候享福啦。」

此幕鏡頭巧妙地將童年若水的小演員與呂慧儀本人交替切換，寓意時光荏苒，觸動無數父母心，引起極大共鳴。

戲外，飾演「龔燁」的張景淳亦難掩不捨之情：「無論係家人或愛你嘅人刻意做多咗，擾亂咗你原來嘅plan、做咗豬隊友… 定係純粹太多關心令做阿仔阿囡嘅覺得煩都好…搞到最後可能變咗有『額外的少少手尾』要替對方的過份關愛行為收拾…..雖然的確添了麻煩，but如果係pure嘅愛….喺解決問題後都要acknowledge返嘅。畢竟，人越大，真心愛自己關心自己嘅人會越嚟越難搵，或佢地雖然存在但彼此越嚟越難有時間/機會交集。因此見到面時，有愛的話真係要說出來，表現出來。係絕對Worth過程中不小心做多咗講多咗而帶來嘅少少麻煩的。」

他指：「btw臨近劇集拍攝最後最後的日子，我今天也經歷了一份很正能量的motivation，appreciate人與人之間以正能量和真心互相傳動的『加油』。希望（開心速遞）最後的日子裡面，我們也能給大家最好的能量，一齊和觀眾celebrate呢齣處境劇的畢業❤️」

《愛回家之開心速遞》鐵粉問答比賽﹕https://tvb.app.do/quiz_chl